+BISAYAFILMS- x Mga Butang Nga Maka Lig On Nato Karong COVID

PROBLEMA: Naa pa ang Covid 19 ug Ginoo ray makahibaw kung kanus a ni mawala. Pede ugma mawala. Pede 25 years pa naa nato. Pede nga di nagyud ni  mawala ug diri na jud ni siya sa hangtud2x.

Daghang nangawagtangan ug trabaho, ug mga trabaho nga nawagtang. Daghan nang nangausab, ug angay sad ta maningkamot ug adjust sa mga bag-ong kausaban. Nag puyo kas Cordova. Dili na dali makasud ug gawas sa borders, padung Lapu Lapu, kay nag kanya kanya na, murag kinaraan nga tribu. Maong mangandam ta sa mga dagkong kausaban sa atong mga atubangan para mu survive ta, ug mag malipayon.

Unsa may pede natong buhaton?

Mga IDEYA nga pede mahimong MGA SOLUSYON:

1. Pagkat on Pagtanom ug Paghimo Masks

Sa singkwenta pesos nimo, pede ka mu register ug GOSAKTO promo sa Globe kay gi usab nila, 2GB na imbis 1 Gig imo allocation. Human naa pajuy 1 Gig a day nga pede nimo magamit pag tan aw ug Download ug Youtube Videos.

Sa kanang 5 Gig nimo total, daghan nakang ma kat unan nga dako kayo makatabang. Sa akoa, ang akong gibuhat is Nag tan aw kog mga videos unsaon paghimog masks gamit ang Tissue ug paper Towels; unsaon pag padako sa kamatis; unsaon pag putol sa tumoy sa tinanom nga okra para manggamay ang dahon, managhan ang bunga. E type lang sa Youtube nga "How To Grow Kamatis" "How To Make Masks". 

Mao ni uban nga mga videos nga pede nimo matan aw nga dako ug makatabang:

2.     Pagkat on ug Grammar ug Mga Skills Nga Maka Kuha Dagko Chances nimo Nga E Hire ka

Pede sad nimo pa lig onon imong grammar ug mga language skills sa pag tan aw sa Youtube ug mga Advanced Grammar tutorial para ig apply nimo mga online jobs, ngilngig naka mu communicate.

3.    Pede ka Mamaligya Sa Facebook Marketplace

Kaupat nako naka order ug Utan, Burgers, Karne ug ubang groceries sa Facebook Marketplace. Naay Marketplace page didto sa Facebook nga makapamaligya ka ug pamalit. Upload kag pics sa imo silingan, ibutang sa FB, imo patungan nya imo saboton imo usa ka silingan nga naay Bisekleta or Tricycle ug maoy mu deliver. 

Sa Cordova, murag kutub ra ka sa borders, so e set up lang nga ang imong deliveran is mga Cordova. Pede ka mu angkat, way capital needed kay igo raman ka ga middle man, adto rakas naninda ug utan, pikchuran nimo, ebutang sa Facebook, ug if naa nay mu order, ingnon ang silingan. Wa kay kapital masayang kay di man ka mupalit sa utan kung way mu order. Silbi middle man ka ba. In ana gibuhat sa Nicey Burger, ug mga Bakery diri sa Cordova, naay tigdeliver nila.

4.    Apply, Apply, Apply

Walay kasigurohan nga maka kuha kag trabaho sa online, ug daghang ilad maong ayaw jud e upload imong ID ug names sa gusto mag pa trabaho. Nya pabayad jud sa after 1 day nga trabaho, until makuha na nimo ang pagsalig sa imong employer. Nya apply2x lang jud, basta way bayad, librehi ug mga 30 minutes nga free trabaho imo potensiyal nga employer, para ma engganyo, pero pabayad na dayon ka if mupadayon. E click below para sa mga website nga pede maka trabaho:

5.    Tan aw Pud Ug Mga Videos Nga Mag Tudlo Nimo Unsaon Pag Luto, Pag Limpyo Sa Tubig Hugaw ug Mga Survival Skills

Nindot ang mga videos nila Vice Ganda ug mga celebrities kay maka relax ug utok, pero balanseha pud siguro mag tan ug mga survival videos nga naa sa Youtube. Sama sa mga unsaon pag limpyo sa balay, unsaon pag recycle sa mga botelya para mahimo nga pangbisbis; unsay dapat e stock sa balay para emergency food, sama sa mga munggos, bugas, canned goods, asukar ug mantika, condensed milk, kanang dugay madaot ba.

6.    Painit

Daghang mga eksperto ron nagpakita nga maka lig on nimo batok sa COVID19 ang pag painit, dili tungod kay maka patay siya sa virus, pero tungod kay maka lig on siya sa imong resistansya ang painit. Ayaw pasubrai lang. Ang maayo daw nato, basta dili high blood, mga 20 mins guro sa udto kay maka ayo daw, 3X a week. Pero naa rana nimo ha, lahi lahi ang taw. Decide for yourself unsay maayo nimo kay dili manubag ang ubang taw if makuyapan kas painit. Ang importante: nag painit ka gamay, kay ang tanom man gani mamatay kung way adlaw.

7.    Exercise

Bisag senior o di na kabarog, pede mag jumping jack nga nagalingkod. Daghang exercises nga mabuhat para sa seniors ug mga mobility restricted. Importante ang exercise jud sa pag pa lig on sa imo resistinsya nga maoy mukontra sa Virus, so pasingot jud, pa lig on sa muscles, pero ayaw pasubrai.

8.    Kaon Daghan Utan, Kaon Gamay Junk Food

Utan ug karne ang makalig on sa lawas. Di baya kayo mahal kay naay tamban, barato nga isda, pede sad munggos, ug mga utan naa ras silingan, kamunngay paresan ug sardinis o gamay nga bukog sa karne, pede na kaayo. Maka lig on sa resistinsya ang utan nga maoy mo kontra sa veerus nga COVID so maong daghanon ang utan ug karne sa lawas. Lami ang Coke ug Junk Food man gyud, og maayo man pud nang naay junk food gamay kay maka himo ug immunity nato sa junk food para di ma ihas ang lawas, masakit na nuon kung wa kaila ug junk food atong lawas. Pero gamay ra. Ari ta magdaghan sa mga walay vetsin, walay mga chemicals, walay mga patambok ug mga fertilizers nga mga utan ug karne.

9.    Inom Taga Oras Ug Tubig

Init kayo ron ug basin makuyapan pa nuon tas kainit, maong maayo daw nga taga oras muinom ug tubig, para pang lig on sa lawas nga dili ma heat stroke. 10 glasses siguro taga adlaw.

10.  Ampo Ug Pagsalig ug Pagdawat Sa Tanan  Human Mabuhat Tanan  

Mao man unta jud ni ang una sa lista, kay importante kay ni. Ampuan ug e pa lig on ang atong espirito ug kalag o unsa may tawag nimo ana. Lisod kayo ang di mutuo ug Ginoo, pero pede ra gihapon na. Imo nang kalayaan nga di mutuo, pero murag lisod jud kayo kung wala kay Pagsalig ug Ginoo, based sa ako experience. Ang pag ampo makahatag gyud mismo ug kusug, ug gihimo nas kinaiyahan kay naa juy gamit. Kung way gamit ang pag ampo ug ang relihiyon, nganong gibutang na sa kalibutan ug dugay na kaayo?

Human sa pag ampo, paningkamot ug dawat sa tanang butang. Magkahiunsa ang tanan, dili nimo na kontrolar. Saop rata, dili kita ang Amo. Ang Kinaiyahan nga naghimo sa lain ang maoy kinadak an nagbuot kung unsa juy mahitabo, maong maglipay nalang ka magkahiunsa, bisag mamatyan paka. Yes, maguol gamay, pero ayaw padala sa satanas nga dagiton kas ilawm. E kalipay nga pagbuot nis tanan sa Naghimo nato, ug ekalipay nga naa pakay hangin karong orasa. Way kasiguruhan naa pana unya.

Inyong kauban,

Richard

CORDOVA, CEBU